Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кіраўнікі Мінінфармацыі не жадаюць сустракацца з прадстаўнікамі недзяржаўных СМІ 14:47, 08/12/2004
"У бліжэйшы час сустрэчы кіраўніцтва Міністэрства інфармацыі з сябрамі Праўлення ГА "Беларуская асацыяцыя журналістаў" і рэдактарамі недзяржаўных выданняў не плануюцца". Гэткім чынам міністэрства адказала на афіцыйную прапанову БАЖ спаткацца і абмеркаваць сітуацыю ў сферы сродкаў масавай інфармацыі.
У звароце, які БАЖ даслаў на імя міністра інфармацыі Уладзіміра Русакевіча 1-га лістапада, арганізацыя прасіла таксама адмяніць загад аб прыпыненні дзейнасці ваўкавыскай "Местной газеты". Міністэрства ў адказ заявіла, што "не ўгледжвае" юрыдычных падстаў для адмены свайго рашэння. 14-га кастрычніка тэрмін прыпынення газеты скончыўся, і 1-га снежня чарговы нумар "Местной газеты" быў надрукаваны ў Смаленску, паведамляе “Радыё Свабода”.
