Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Польскі журналіст атрымаў узнагароду за фільм пра Беларускі ліцэй 10:40, 14/12/2004
Вядомы беластоцкі тэлежурналіст Ежы Каліна атрымаў у мінулыя выходныя прэстыжную ўзнагароду Зьвязу журналістаў Польшчы за матэрыял пра Беларускі гуманітарны ліцэй.
Узнагародай імя Казімера Дзеваноўскага Зьвяз журналістаў Польшчы адзначае аўтара найбольш цікавага матэрыялу на міжнародныя тэмы.
У рашэньні журы гаворыцца, што Ежы Каліна – аўтар тэлевізійнага рэпартажу “Партызанская школа” – атрымлівае ўзнагароду за тое, што “зрабіў фільм, які немагчыма было зрабіць” пра апошні ў беларускай сталіцы ліцэй зь беларускай мовай навучаньня.
Атрымліваючы ўзнагароду, Ежы Каліна адзначыў, што цяпер яшчэ больш упэўнены ў неабходнасьці “паказваць Беларусь і сапраўдны твар сыстэмы, якая там пануе”.
Спадару Каліне, які зьяўлаецца таксама аўтарам фільму “Апошні дыктатар Эўропы”, узнагароджанага на шэрагу фэстываляў і конкурсаў, ад жніўня гэтага году беларускае консульства не дае візу для ўезду ў Беларусь, нагадвае «Радыё Свабода».
