Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міліцыянты апячаталі офіс «Маладога фронту» ў Жодзіне 10:53, 15/12/2004
Штаб-кватэру “Маладога фронту” ў Жодзіне апячаталі супрацоўнікі міліцыі. Маладафронтаўцаў папярэдзілі, што за спробу зноў заняць офіс іх прыцягнуць да крымінальнай адказнасьці.
Сябры “Маладога фронту” арандавалі прыватную кватэру пад офіс сваёй арганізацыі. 13 сьнежня туды прыйшлі міліцыянты — намесьнік кіраўніка аддзелу ў справах непаўнагадовых Гарошка і выканаўца абавязкаў начальніка жодзінскай міліцыі Ільіч. Паводле іх словаў, у міліцыю паступіла заява аб тым, што кватэра выкарыстоўваецца пад офіс.
“Яны сказалі, што апячатаюць памяшканьне, і калі мы сарвем плёмбы, то нас прыцягнуць да крымінальнай адказнасьці. Насамрэч, мы папросту здымалі кватэру — і гэта ня значыць, што “Малады фронт” спыняе сваю дзейнасьць у Жодзіне. Наступным разам “Малады фронт” будзе больш пільны ў гэтым пытаньні”, -- паведаміў “Радыё Свабода” лідэр жодзінскай арганізацыі “Маладога фронту” Павал Красоўскі.
У часе адбыцьця апошняга арышту за ўдзел у акцыі 19 кастрычніка супраць фальсіфікацыі вынікаў парламентскіх выбараў і рэферэндуму Паўла Красоўскага звольнілі з пэдагагічнага ўнівэрсытэту. Минск, Белоруссия
, iнформэр
