Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусы на Майдане Незалежнасьці: «Будзем тут да перамогі» 16:27, 27/12/2004, Валер Каліноўскі, «Радыё Свабода»
Па тэлеканалах ў рэпартажах з Майдана незалежнасьці бачныя былі бела-чырвона-белыя сьцягі. Беларуская прысутнасьць у Кіеве захоўваецца, беларусам адведзены цэлы намёт у гарадку на Храшчаціку.
Я заходзіў у гэты намёт, гутарыў з адным з лідэраў апазыцыі Вячаславам Сіўчыкам, актывістамі БПС, Маладога фронту, бачыў сьцяг беларускіх сацыял-дэмакратаў. Размаўляў я ўчора і з адным зь лідэраў “Зубра” Ўладзімерам Кобецам, якога ўкраінскія ўлады ўнесьлі ў сьпіс непажаданых ва Украіне асобаў і пратрымалі аэрапорце Барыспаль цэлую гадзіну, але ўсё ж дапусьцілі на сваю тэрыторыю.
Сяргей Горбач з Гомлі сёньня адзначае месяц свайго знаходжаньня ў намётавым гарадку на Храшчаціку, дзе ён разам з украінскімі актывістамі нясе варту.
“З 27 лістапада ўжо тут. Я прыехаў падтрымліваць дэмакратыю. Мой бацька вельмі рады за мяне, што я тут. Прапанова такая, каб я яму шалік аранжавы прывёз. Уначы бывае холадна, але стаім. Будзем тут да перамогі”.
