Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Гарадзенскія чыноўнікі ўпэўнены, што школьнікам палітыка не патрэбная 10:54, 14/01/2005
Падчас правядзеньня ў Горадні абласной алімпіяды школьнікаў па беларускай мове чыноўніца аддзелу адукацыі аблвыканкаму забараніла раздаць вучням газэты Таварыства беларускай мовы “Новы час” і “Наша слова”, матывуючы тым, што яны занадта палітызаваныя.
Старшыня абласной арганізацыі Таварыства беларускай мовы Аляксандар Місьцюкевіч прынёс сьпісаныя з газэтных шапікаў асобнікі выданьняў з тым, каб распаўсюдзіць іх сярод вучняў у якасьці прызоў. Ён ведае, што ў многіх, асабліва вясковых школках, гэтых газэтаў наагул няма, паколькі на іх падпіску заўсёды не стае грошай. Галоўны спэцыяліст аддзелу адукацыі аблвыканкаму Тамара Прадзед, прагартаўшы іх, забараніла раздаваць школьнікам. У шмат якіх асобніках газэтаў былі надрукаваны матэрыялы, прысьвечаныя рэфэрэндуму і выбарам у Палату прадстаўнікоў.
На думку чыноўніцы, гэтыя газэты павінны займацца прапагандай беларускай мовы, а не палітыкай. І дзецям, паводле яе словаў, палітыка не патрэбная. Сваю пазыцыю Тамара Прадзед падмацавала і тым, што ейныя дзеяньні падтрымала супрацоўніца Дзяржкантролю, якая таксама прысутнічала на алімпіядзе. Яе прозьвішча Тамара Прадзед назваць адмовілася. Минск, Белоруссия
, iнформэр
