Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
За раздачу аранжавых улётак у Гомелі затрымалі актывістаў апазіцыі 11:57, 24/01/2005
23 студзеня ў Гомелі актывісты апазіцыі раздавалі гараджанам аранжавыя ўлёткі з нагоды інаўгурацыі прэзыдэнта Ўкраіны Віктара Юшчанкі. Ва ўлётках у гратэскавай форме ўхвалялася кіраваньне Аляксандра Лукашэнкі, гараджанаў заклікалі глядзець Беларускае тэлебачаньне, чытаць газэту “Советская Белоруссия” і радавацца шчасьліваму жыцьцю. І ні ў якім выпадку ня есьці аранжавых апэльсінаў ды іншых цытрусавых такога колеру. За гэта міліцыянты затрымалі сямёх раздатчыкаў улётак.
У іх ліку былі Арцём Бурыла, Сяргей Восіпаў, Юрый Лапіцкі, Вольга Сыцько, Канстанцін Леўшуноў. У дачыненьні некаторых затрыманых былі складзеныя адміністрацыйныя пратаколы наконт дзейнасьці ад імя незарэгістраванага грамадзкага аб’яднаньня, а таксама наконт распаўсюду друкаванай прадукцыі, зьмест якой накіраваны на нанясеньне ўрону дзяржаўнаму і грамадзкаму парадку.
