Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка праігнараваў інаўгурацыю Юшчанкі 10:50, 24/01/2005
На ўрачыстасьці з нагоды інаўгурацыі трэцяга прэзыдэнта Ўкраіны Віктара Юшчанкі ў Кіеў прыехалі каля 60 замежных дэлегацый. Адным з апошніх быў пацьверджаны прыезд беларускай дэлегацыі, якая складаецца з аднаго чалавека – старшыні “палаты прадстаўнікоў” Уладзіміра Канаплёва. Пра нейкую праграму ягонага знаходжаньня, апрача ўдзелу ў агульных урачыстасьцях, нічога невядома, паведаміў “Радыё Свабода” прадстаўнік МЗС Руслан Есін. Аляксандр Лукашэнка інаўгурацыю Юшчанкі праігнараваў.
Склад беларускай афіцыйнай дэлегацыі быў вызначаны літаральна ў апошні момант. На думку былога кіраўніка Беларусі Станіслава Шушкевіча, гэта сьведчыць, што А.Лукашэнка ўсё ж не выключаў сваёй уласнай паездкі ў Кіеў – з прапагандысцкіх меркаваньняў і каб паказаць, што і ён блізкі да Юшчанкі:
“Ведаеце, цяпер жа Лукашэнка скажа, што Юшчанка мой лепшы сябар, але там Лукашэнка не можа быць прыняты так, каб выглядаў як лепшы сябар”. Минск, Белоруссия
