Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Рабочая група ПА АБСЭ зацікавілася лёсам Міхаіла Марыніча 16:34, 02/02/2005
Другі дзень знаходжаньня ў Менску Рабочай групы ў справах Беларусі Парлямэнцкай асамблеі АБСЭ пачаўся сустрэчай з адвакатамі Міхаіла Марыніча — Верай Страмкоўскай і Валянцінай Шыханцовай. Размова з адвакатамі праходзіла за зачыненымі дзьвярыма. Пасьля яе заканчэньня Вера Страмкоўская адзначыла, што гэтая сустрэча — яшчэ адзін доказ на карысьць таго, што міжнародная супольнасьць неабыякавая да лёсу Міхаіла Марыніча: “Сёньня Ута Цапф і сябры адмысловай групы цікавіліся станам здароўя Міхаіла Марыніча, станам ягонай справы, як гэта ўсё будзе разглядацца надалей, якім будзе працэс, якая магчымасьць ёсьць зьмяненьня прысуду, хто можа на гэта ўплываць, як мы, абаронцы, лічым, ці існуе наагул магчымасьць таго, каб гэты прысуд быў скасаваны. Я лічу, што гэтая размова ёсьць падтрымкай самаго Міхаіла Марыніча, ягоных блізкіх, усіх, хто ўдзельнічае ў ягонай абароне”, – паведаміла адвакатка «Радыё Свабода».
