Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Напярэдадні свайго адлёту зь Менску кіраўніца рабочай групы ПА АБСЭ па Беларусі, дэпутатка Бундэстагу Ута Цапф заявіла, што нягледзячы на ўсю складанасьць беларускай сытуацыі, Эўропа мусіць пастаянна думаць пра дыялёг з гэтай краінай і працягваць яго на самым розным узроўні і самымі рознымі сродкамі. Наконт таго, што нядаўна Вашынгтон назваў Беларусь адным з фарпостаў тыраныі, Ута Цапф адказала: “Я лічу, што заўсёды патрэбная адкрытая крытыка, але не ў такіх дзіўных выразах, як гэта зрабіла спадарыня Райс. Эўропа мусіць пастаянна думаць пра палітычны дыялёг зь Менскам і пра тое, што яго трэба працягваць самымі рознымі сродкамі і на самых розных узроўнях — як на ўзроўні афіцыйных структураў, так і на ўзроўні грамадзянскай супольнасьці.”
Тым часам спадарыня Цапф пагаджаецца з тым, што з кожным новым візытам яе групы ў Менск Беларусь пакідае ўсё больш сумнае ўражаньне.
“Сапраўды, на працягу апошняга году мы назіраем за тым, як у Беларусі пагаршаецца сытуацыя ў галіне правоў чалавека, улады ўсё больш перасьледуюць незалежныя СМІ, няўрадавыя арганізацыі, апазыцыю”, -- паведаміла яна ў інтэрвію “Радыё Свабода”. Минск, Белоруссия
, iнформэр
