Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Масавыя арышты ў Менску 10:41, 07/02/2005, фото ByMedia.net
Больш дзесятка амонаўцаў і асобы ў цывільным уварваліся 5 лютага ў арэндаваную вядомым грамадзкім актывістам, былым дэпутатам Вярхоўнага Савету Сяргеем Антончыкам прыватную кватэру, дзе сабраліся грамадзкія актывісты з розных рэгіёнаў Беларусі. Міліцыя затрымала Сяргея Антончыка, ягоную жонку Тамару і яшчэ каля 20 грамадзкіх актывістаў. Усе затрыманыя знаходзіліся ў аддзеле міліцыі Савецкага раёну, дзе міліцыянты спраўджвалі асобы затрыманых. Пасьля таго, як на Антончыка склалі пратакол за арганізацыю несанкцыянаванага сходу, ён быў адпушчаны. 7 лютага ў судзе Савецкага раёну Менску над Сяргеям Антончыкам адбудзецца суд. Яму пагражае адміністратыўны арышт альбо вялікі штраф.
Напрыканцы мінулага году Сяргея Антончыка затрымалі за правядзеньне паседжаньня аргкамітэту грамадзкага руху самадапамогі “Айчына”. Ён быў абвінавачаны ў арганізацыі несанкцыянаванага сходу. Суд тады пакараў спадара Антончыка 15-сутачным адміністратыўным арыштам.
Сяргей Антончык быў дэпутатам апазыцыі БНФ у Вярхоўным Савеце Беларусі 12-га скліканьня. Асабліва вядомым ён стаў пасьля таго, як напрыканцы 1994 году падрыхтаваў і зачытаў даклад пра карупцыю ў бліжэйшым атачэньні Аляксандра Лукашэнкі, нагадвае «Радыё Свабода».
