Масавая акцыя пратэсту у Гародні :: Хартыя'97 :: Навiны

У гэтыя хвіліны у Гародні адбываецца масавая акцыя пратэсту прыватных прадпрымальнікаў. Па дадзеных інтэрнэт-выданьня "Пагоня", у мітынгу каля гарвыканкама удзельнічае (на 13.00) ня меньш за 4 тысячы чалавек - гэтая лічба з`яўляецца вельмі вялікай нават па мерках беларускай сталіцы.

У пачатку акцыі а 12-й гадзіне у гарадскім парку сабралося каля 2 тысячаў чалавек. Яны паспрабавалі выйсці на плошчу Леніна, але выхады з парку былі ачэплены АМАПам і ўнутранымі войскамі. Тады ўдзельнікі акцыі прарвалі ачапленне. Скандуючы "Свабоду! Свабоду!", яны выйшлі на плошчу Леніна да будынка гарвыканкаму.

Да прадпрыймальнікаў выйшлі старшыня гарвыканкаму Аляксандр Антоненка і яго намесьнік Аляксандр Сіўцоў. Антоненка паспрабаваў пераканаць людзей, што ўлады гораду былі супраць увядзення новых ставак НДС і заклікаў людзей разыйсціся, маўляў, так праблемы не вырашыш. Але ж прадпрымальнікі засталіся незадаволенымі, яны скандуюць "НДС! НДС!" і не збіраюцца разыходзіцца.

Апошні раз такая масавая акцыя прадпрымальнікаў адбылася ў Гародні амаль год таму - першага траўня. У выніку мінулагодняга несанкцыянаванага мітынгу былі асуджаныя на два гады пазбаўлення волі лідары гарадзенскіх прадпрымальнікаў - Валеры Леванеўскі і Аляксандр Васільеў, паведамляе pahonia.promedia.by
Минск, Белоруссия