Прадпрымальнiкi ставяць ультыматум ураду :: Хартыя'97 :: Навiны

Прадпрымальнiкi Менска зважаючы на бесперспектыўнасць перамоў, вылучылi Савету мiнiстраў ультыматум: да 1 сакавiка вырашыць праблему з падаткам на дабаўленую вартасць, у адваротным выпадку – прадпрымалдьнiкi аб’яўляюць бестэрмiновы страйк з нявыплатай усiх падаткаў i збораў.

10 лютага ў Менску перад Домам урада сабралiся блiзу 3 тысяч прадпрымальнiкаў. Лозунг акцыi адзiн: “Адмена ПДВ i свабода Шумчанку!”. Блiжэй да абеду прадпрымальнiкi прыйшлi да Дэпартамента па прадпрымальнiцтве Мiнiстэрства эканомiкi з намерам перадаць петыцыю, падпiсаную каля 30 тысячаў прадпрымальнiкаў, з патрабаваннем адмянiць ПДВ. Чыноўнiкi адмовiлiся прымаць паперу.

Пасля адмовы калона страйкоўцаў скiравалася да Мiнiстэрства эканомiкi, адкуль да пратэстуючых выйшаў вiцэ-прэм’ер Андрэй Кабякоў. З прадстаўнiкоў ураду i арганiзатараў страйку створаная рабочая група дзеля вырашэння праблемы, аднак хутка прадпрымальнiкi зразумелi бессэнсоўнасць усялякiх перамоваў. Таму прадпрымальнiкi вылучылi да ўрада ультыматум: альбо да 1 сакавiка вырашыць праблему з падаткам на дабаўленую вартасць, у адваротным выпадку – прадпрымалдьнiкi аб’яўляюць бестэрмiновы страйк з нявыплатай усiх падаткаў i збораў.

Папераджальны страйк ахапiў шмат гарадоў краіны: сталi рынкi Менску, Гомеля, Вiцебска,Гароднi, Рэчыцы, Барысава, Бярэзiны, Лепеля, iншых гарадоў, нагадвае газета «Пагоня».
Минск, Белоруссия