Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Грамадзкага актывіста вымусілі звольніцца 11:05, 16/02/2005
Старшыня Гомельскага аддзяленьня Рэспубліканскага грамадзкага аб’яднаньня “Прававая ініцыятыва” Леанід Судаленка пад ціскам напісаў заяву аб звальненьні з працы па ўласным жаданьні.
Леанід Судаленка больш за 5 год працаваў юрысконсультам у фірме цырульніцкіх паслугаў ААТ “Локан” і ні воднага разу не праігрываў справы, якія распачыналі супрацоўнікі фірмы. Але бездакорная прафэсійная рэпутацыя стала ахвярай грамадзкай дзейнасьці сп.Судаленкі. “Маё становішча на працы зьмянілася пасьля маёй спробы стаць дэпутатам парлямэнту. Дырэктарку прадпрыемства неаднаразова выклікалі да начальства і патрабавалі майго звальненьня. Ніякія довады на маю карысьць ня дзейнічалі. І, як я разумею, яе ў выніку паставілі перад выбарам: альбо я, альбо яна”, - камэнтуе падзею Леанід Судаленка.
Ён паведаміў, што ня стаў ўскладняць сваё становішча і пагадзіўся напісаць заяву аб звальненьні па ўласным жаданьні. “Але я зрабіў гэта пад ціскам”, - заявіў сп. Судаленка. Белоруссия
