Украінская «Пора» абяцае дапамагчы Беларусі :: Хартыя'97 :: Навiны

Старшыня рады Ўсеўкраінскае грамадзкае арганізацыі “Пора” Андрэй Юсаў у інтэрвію «Радыё Свабода» заявіў, што ягоная арганізацыя будзе дапамагаць зрынуць рэжым Аляксандра Лукашэнкі. “Безумоўна, мы б хацелі падзяліцца досьведам. У прынцыпе, мы й зараз спрабуем гэта рабіць. Пэрыядычна ва Ўкраіну – у Кіеў ці іншыя гарады – прыяжджаюць актывісты розных беларускіх арганізацыяў. “Пора” заяўляла пра арганізацыю Міжнароднага цэнтру для краін зь пераходнымі дэмакратыямі. Безумоўна, найбольш пільная ўвага будзе нададзеная Беларусі ў гэтым пытаньні. Падчас “памаранчавай рэвалюцыі” й дзейнасьці кампаніі “Пора” ў справе абароны прэзыдэнцкіх выбараў беларускія актывісты розных грамадзкіх арганізацыяў і палітычных структураў бралі вельмі актыўны ўдзел ва Ўкраіне. Безумоўна, мы ня можам такія рэчы забывацца й будзем рабіць усё мажлівае, каб і ў Беларусі зьмяніць сытуацыю да лепшага”, -- паведаміў Андрэй Юсаў.

На пытаньне, ці не пабойваецца ён, што афіцыйны Менск будзе абвінавачваць “Пору” ды ўвогуле Ўкраіну ў экспарце “памаранчавай рэвалюцыі” ці ўмяшальніцтве ва ўнутраныя справы Беларусі, спадар Юсаў адказаў гэтак:

“Я думаю, што маральнага права цяперашняя беларуская ўлада ня мае абвінавачваць нікога ні ў чым. Гэта адназначная пазыцыя, і пазыцыя эўрапейскай супольнасьці, міжнароднай супольнасьці”.
Минск, Белоруссия