Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Былы прэм’ер-міністар Польшчы: Беларусь зможа далучыцца да Эўразьвязу, калі дэмакратызуецца 10:51, 21/02/2005
Былы прэм’ер-міністар Польшчы, а цяпер дэпутат Эўрапейскага парлямэнту Ежы Бузэк заявіў «Радыё Свабода», што ён ня мае сумневаў, што Беларусь у будучыні будзе сябрам Эўрапейскага Зьвязу.
“Гэта абсалютна відавочна, бо такі ёсьць натуральны ход падзеяў. Гэта будзе магчыма, калі Беларусь выканае акрэсьленыя ўмовы, а галоўная з гэтых умоваў, гэта – дэмакратычны лад у краіне. Бо ў мінулым менавіта аўтарытарныя, далёкія ад дэмакратыі ўрады пачыналі войны, былі спраўцамі пакутаў і сьмерці мільёнаў людзей. Так было ў фашысцкай Нямеччыне і камуністычным Савецкім Саюзе. Гэта найгоршыя сыстэмы. Чым бліжэй мы знаходзімся да дэмакратыі, тым прасьцей пазьбегнуць войнаў, узаемнай нянавісьці і размаўляць пра самыя розныя праблемы, у тым ліку і абмяркоўваць супярэчлівыя гістарычныя пытаньні. Але дзеля гэтага грамадзяне павінны быць вольнымі і самастойна вырашаць свой лёс”, -- заявіў “Радыё Свабода” былы прэм’ер-міністар Польшчы, а цяпер дэпутат Эўрапейскага парлямэнту Ежы Бузэк. Минск, Белоруссия
