Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кандаліза Райс: «Беларусь – гэта нарыў у цэнтры Эўропы» 16:21, 22/02/2005
«Беларусь – гэта нарыў у цэнтры Эўропы, зважаючы на ўсё, што адбываецца там» – такое вызначэньня дала дзяржсакратар ЗША Кандаліза Райс на нядаўніх кангрэсавых слуханьнях, якія былі прысьвечаныя Расеі. Спадарыня Райс заявіла, што Злучаныя Штаты спрабуюць спрыяць грамадзянскай супольнасьці і недзяржаўным арганізацыям Беларусі. Яна падкрэсьліла, што беларусам вельмі цяжка дзейнічаць у тых умовах, якія склаліся ў іх краіне.
Паводле “Радыё Свабода”, зьвяртаючыся да ўкраінскага досьведу, дзяржсакратар ЗША сказала, што яна была ўражаная моцай грамадзянскай супольнасьці ва Ўкраіне. Паводле яе, гэта стала сьведчаньнем цяжкой працы недзяржаўных арганізацыяў, ня толькі амэрыканскіх, але і эўрапейскіх і іншых.
“Гэта таксама стала трыюмфам чалавечага духу, які нягледзячы на ўсе цяжкасьці апошніх гадоў, заставаўся на Ўкраіне жывым. Я мяркую, нашай надзеяй і нашай мэтай будзе высьветліць, ці справядліва гэта і для Беларусі”, -- сказала Кандаліза Райс. Минск, Белоруссия
