Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Жаночаму грамадзкаму аб’яднаньню з Горак пагражае ліквідацыя 16:33, 25/02/2005
Магілёўскае абласное ўпраўленьне юстыцыі папярэдзіла жаночае грамадзкае аб’яднаньне “Любава” з Горак. Чыноўнікі лічаць, што НДА разьмяшчае сваю сядзібу ў шматкватэрным доме і мусіць знайсьці для юрыдычнай адрэсы іншае памяшканьне.
Грамадзкія актывісткі зьдзіўленыя такому патрабаваньню, бо маюць юрыдычную адрэсу не ў шматкватэрным доме, а ў прыватным, у якім ёсьць два асобных выхады. Аднак, калі праўда апынецца на баку чыноўнікаў ад юстыцыі (чаго не здараецца ў нашых судах?), перад жаночым НДА паўстане амаль невырашальная праблема, бо знайсьці новае месца для разьмяшчэньня юрыдычнай адрэсы ў маленькіх Горках амаль немагчымаю.
“Любава” была зарэгістраваная ў 2001 годзе і на сёньня зьяўляецца адной з самых вядомых НДА гораду. Яе сяброўкі за час існаваньня аб’яднаньня запомніліся мясцовым жыхарам як арганізатаркі шматлікіх сацыяльных акцыяў для дзяцей-сіротаў і сацыяльна неабароненых сем’яў. І вось цяпер “Любаве” пагражае ліквідацыя і пераход на нелегальнае становішча, паведамляе www.belngo.info. Минск, Белоруссия
, iнформэр
