Прадпрымальніку прысудзілі 10 сутак за страйк :: Хартыя'97 :: Навiны

Судзьдзя Рэчыцкага раённага суду Сьвятлана Пырх пастанавіла арыштаваць прадпрымальніка Леаніда Невара на 10 сутак нібыта за дробнае хуліганства і непадпарадкаваньне міліцыі. Спадар Невара з высокаю тэмпэратурай і хворым сэрцам зьмясьцілі ў тую ж камэру ізалятара, дзе ён ужо правёў суткі да суду і атрымаў моцную прастуду. У вокнах камэры замест шкла – поліэтыленавая плёнка. Тэмпэратура ўнутры камэры амаль не адрозьніваецца ад вонкавай, блізкая да нулю. Родныя арыштаванага прадпрымальніка лічыць, што судзьдзя Сьвятлана Пырх і ахоўнікі робяць усё дзеля таго, каб канчаткова падарваць здароўе Леаніда Невара як лідэра рэчыцкіх прадпрымальнікаў.

Як паведамляла “Радыё Свабода”, Леанід Невар быў затрыманы міліцыяй перад забастоўкай, 27 лютага. Прадпрымальнік хацеў паінфармаваць дробных бізнэсоўцаў Рэчыцы аб перамовах з уладамі наконт увядзеньня падатку на даданую вартасьць. На вуліцы Чырвонаармейскай міліцыянты заблякавалі мікрааўтобус “Фіят”, у якім ехаў Леанід Невар са сваёю жонкаю. Фармальнай зачэпкай сталася адсутнасьць на кузаве дубляванага нумару дзяржаўнай рэгістрацыі мікрааўтобуса. Спадар Невар пагаджаўся падпісаць адпаведны пратакол парушэньня, але мікрааўтобуса не пакінуў. Міліцыянты ўсё адно гвалтам арыштавалі Леаніда Невара, абвінаваціўшы яго ў закліку да масавых беспарадкаў. Ноч прадпрымальнік правёў у адзіночнай камэры ізалятара часовага ўтрыманьня.

Белоруссия