У выпадку фальсiфiкацый выбараў у Гродне адбудзецца акцыя пратэсту :: Хартыя'97 :: Навiны

Штаб апазiцыйнага кандыдата ў дэпутаты «палаты прадстаўнiкоў», лідара групы “Рэспубліка” Валерыя Фралова заяўляе, што ў выпадку фальсiфiкацый выбараў у Гродне адбудзецца маштабная акцыя пратэсту. Падрыхтоўка да правядзення акцыi ўжо вядзецца. Па словах прадстаўнiкоў выбарчага штаба Фралова, увесь ход выбарчай кампанii прымушае апазiцыянераў рыхтавацца да адстойвання вынiкаў галасавання.

– Мы маем падтрымку людзей – гэта адчуваецца. Але разумеем сiтуацыю, дапусцiць перамогу Фралова мясцовыя ўлады не могуць, таму iм застаецца толькi фальсiфiкацыя, – гаворыць Раман Юргель, давераная асоба Валерыя Фралова.

Таму Фралоў паралельна з вядзеннем перадвыбарчай агiтацыi рыхтуецца да правядзення акцыi пратэсту.

– Вызначана месца правядзення акцыi пратэсту, яе форма i змест, – распавядае Iгар Маслоўскi, кiраўнiк выбарчага штаба Валерыя Фралова.

Паводле ягоных слоў, калi выбары будуць сфальсiфiкаваны, адстойваць перамогу Валерыя Фралова будуць не толькi гарадзенцы.

– У Гродна прыедуць сотнi актывiстаў дэмакратычных сiлаў з розных рэгiёнаў Беларусi, – распавядае Маслоўскi.

Акрамя акцый пратэсту апазiцыянеры плануюць стварыць так званую “шэрую кнiгу” са спiсам сяброў выбарчых камiсiй, якiя парушаюць выбарчае права. Гэтая кнiга павiнна быць перададзена ў амбасады заходнiх краiнаў.

– Я спадзяюся, што гэтым людзям будзе забаронены ўезд у Еўропу i ЗША, – гаворыць Маслоўскi.

Нагадаем, што 20-га сакавiка ў Гродне адбудуцца паўторныя выбары ў “палату прадстаўнiкоў”. Удзел у iх прымае кандыдат ад улады, рэктар Гарадзенскага дзяржаўнага унiверсiтэта Сяргей Маскевiч, i два прадстаўнiкi апазiцыi – лiдэр Незалежнага прафсаюза ААТ “Гродна-Азот” Сяргей Антусевiч i генерал Валерый Фралоў, нагадвае pahonia.promedia.by
Минск, Белоруссия