Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Свабодная Беларусь» патрабуе спыніць палітычныя рэпрэсіі 13:19, 24/03/2005
Чарговае паседжаньне Рады грамадзкіх ініцыятываў “Свабодная Беларусь” адбылося 24 сакавіка 2005 году ў Менску. Сябры Рады адзначылі, што ўлады ўзмацнілі ціск на грамадзянскую супольнасьць Беларусі.
Улады ня грэбуюць такімі метадамі як:
- катаваньні ў дачыненьні да палітвязьняў Міхаіла Марыніча, Валера Леванеўскага, Аляксандра Васільева;
- незаконныя затрыманьні і прысуды па сфальсіфікаваных абвінавачваньнях Зьміцеру Бандарэнку і Мікіту Сасіму;
- правакацыі ў дачыненьні да прадпрымальнікаў і асабіста лідэра прадпрымальніцкага руху Анатоля Шумчанкі;
- ціск і пагрозы з боку спецслужбаў і крымінальных груповак у дачыненьні моладзі;
- узбуджэньне крымінальных справаў за ўдзел у акцыях грамадзкага пратэсту ў дачыненьні Міколы Статкевіча і Паўла Севярынца.
У сувязі з гэтым сябры “Свабоднай Беларусі” заклікаюць грамадзян Беларусі да больш шчыльнай салідарнасьці і супрацоўніцтва дзеля абароны сваіх правоў.
“Свабодная Беларусь” заклікае неадкладна вызваліць усіх палітычных вязьняў і спыніць рэпрэсіі супраць грамадзянскай супольнасьці Беларусі.
