Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Боне ўцекачы зь Беларусі зладзілі пікет да Дня Волі 10:59, 28/03/2005
25 сакавіка, а 15-й гадзіне, у Боне, былой сталіцы Заходняй Нямеччыны, каля аддзяленьня беларускай амбасады адбылася імпрэза з нагоды 87-х угодкаў утварэньня Беларускай Народнай Рэспублікі. Аб гэтым “Радыё Свабода” паведаміў палітычны ўцякач з Гомелю Яўген Мурашка.
У пікеце бралі ўдзел больш за дзясятак уцекачоў зь Беларусі. Яны адмыслова прыехалі да аддзяленьня беларускай амбасады ў Бон зь Мюнхэну, Брэмэну, Трыру ды іншых гарадоў, каб аддаць даніну павагі мужным змагарам БНР і нагадаць ня столькі немцам, колькі афіцыйным беларускім дыпляматам пра слаўную дату ў гісторыі краіны.
Пікет ладзіўся пад бел-чырвона-белымі сьцягамі. На трох адмысловых стэндах зьмешчаны былі фатаздымкі са сьвяткаваньня ў розныя гады Дня Волі ў Менску — у тым ліку і тыя фатаздымкі, на якіх відаць, як беларускія міліцыянты зьбіваюць дэманстрантаў. Пікет каля будынку аддзяленьня беларускай амбасады доўжыўся дзьве гадзіны. Минск, Белоруссия
