Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
З сына і айчыма Веранікі Чаркасавай знялі падазрэнні 16:05, 28/04/2005
Пракуратура г. Мінска вырашыла спыніць крымінальны пераслед Антона Філімонава і Уладзіміра Мялешкі «за адсутнасцю ў іх дзеяннях складу злачынства». Пра гэта гаворыцца ў Пастанове начальніка следчага аддзела С. Іванова ад 18-га красавіка, якую 28 красавіка атрымалі блізкія забітай журналісткі ў гарадской пракуратуры.
Як паведамляе прэс-служба ГА “Беларуская асацыяцыя журналістаў”, пастанова прынятая на падставе таго, што падчас папярэдняга расследавання па справе «не здабыта дастатковых доказаў» спрычыненасці Мялешкі і Філімонава да злачынства, а «ўсе магчымасці для збору дадатковых доказаў вычарпаныя».
Упершыню пра зняцце падазрэнняў блізкія В. Чаркасавай даведаліся з ліста, які атрымалі некалькімі днямі раней з Пракуратуры РБ у адказ на сваю скаргу аб спыненні крымінальнага пераследу. Пракурор аддзелу па нагляду за расследаваннем крымінальных спраў у органах пракуратуры, малодшы саветнік юстыцыі В. Шуляк паведаміў, што расследаванне абставін забойства Веранікі Чаркасавай працягваецца: крымінальная справа вывучаная ў Рэспубліканскай пракуратуры, і па ёй “дадзеныя падрабязныя ўказанні”. Минск, Белоруссия
