Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міністар юстыцыі са зьдзіўленьнем даведаўся, што ён стаў «неўязным» 10:36, 24/05/2005
Як паведамляе агенцтва "Інтэрфакс", міністар юстыцыі Беларусі Віктар Галаванаў “са зьдзіўленьнем успрыняў інфармацыю пра тое, што Польшча ўнесла яго ў сьпіс “неўязных” за рашэньне міністэрства аб прызнаньні нелегітымным апошняга зьезду Саюзу палякаў Беларусі”.
“Мне шкада, што польскі бок такім чынам рэагуе на патрабаваньне да грамадзкіх арганізацыяў выконваць дзейнае заканадаўства”, – заявіў міністар.
Спадар Галаванаў паўтарыў меркаваньне мін`юсту, што шосты зьезд Саюзу палякаў прайшоў з парушэньнямі заканадаўства. Ён таксама прыгадаў, што Саюз ужо атрымаў сёлета адно пісьмовае папярэджаньне.
“Калі быць да канца прынцыповымі, можна падаваць у суд справу аб ліквідацыі Саюзу палякаў”, – падкрэсьліў Віктар Галаванаў і дадаў, што “беларускі бок пайшоў насустрач Саюзу, не жадаючы правакаваць канфлікт”.
Паводле міністра, калі Саюз не абскардзіць рашэньня мін`юсту і не правядзе новага зьезду, на чале Саюзу палякаў Беларусі павінна застацца папярэдняе кіраўніцтва, перадае «Радыё Свабода». Минск, Белоруссия
