Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Генэральны консул Польшчы адхіляе абвінавачваньні беларускіх уладаў 13:20, 22/06/2005
Упершыню ад пачатку канфлікту вакол Саюзу палякаў на Беларусі генэральны консул Польшчы ў Берасьці Рамуальд Кунат даў інтэрвію мясцовым журналістам. У размове з карэспандэнтам незалежнай газэты “Брестский курьер” Рамуальд Кунат назваў “палітычнымі” заявы пра тое, што польская амбасада ў Менску і консульства ў Берасьці ўмешваецца ў справы Беларусі. Польскі дыплямат таксама выказаў упэўненасьць, што прадстаўнікі берасьцейскага аддзелу Саюзу палякаў на Беларусі не займаюцца палітыкай.
Адказваючы на пытаньне пра забарону на ўезд ў Польшчу для некаторых беларускіх чыноўнікаў, Рамуальд Кунат заявіў, што ніхто з гэтых асобаў не зьвяртаўся з просьбай на атрыманьне візы, паведаміла “Радыё Свабода”. Белоруссия
