У Сенаце Чэхіі прайшла прэзентацыя аб’яднання «Грамадзянская Беларусь» :: Хартыя'97 :: Навiны

6 чэрвеня у Сенаце Чэхіі адбылася прэзентацыя грамадскага аб’яднання “Грамадзянская Беларусь”. Заснавальнікамі аб’яднання з’яўляюцца былы прэзідэнт Чэхіі Вацлаў Гавел, сенатары Карэл Шварцэнберг і Ярамір Шцеціна, прадстаўнік грамадскага праваабаронцы Ганна Шабатава і кіраўнік аб’яднання “Чалавек у нядолі” Томаш Пояр.

Мэта аб’яднання – аказанне дапамогі беларускім недзяржаўным арганізацыям, якія былі пазбаўлены рэгістрацыі ў Беларусі. Дапамога накіравана на тое, каб гэтыя арганізацыі змаглі стаць суб’ектамі права згодна з чэшскімі законамі. Такім чынам актывісты беларускіх арганізацый будуць прадстаўнікамі чэшскіх арганізацый.

“Гэта будзе такое альтэрнатыўнае міністэрства юстыцыі. Мы сапраўды былі пазбаўлены рэгістрацыі, а гэта нам яе верне,” -- сказаў кіраўнік арганізацыі “Вясна” Алесь Бяляцкі. Дзякуючы чэшскай рэгістрацыі беларускія недзяржаўныя арганізацыі атрымаюць магчымасць супрацоўнічаць, напрыклад, з Еўрапейскім Саюзам.
Минск, Белоруссия