Пратэст рэпрэсiям супраць журналiстаў тыднёвiка «Glos znad Niemna» :: Хартыя'97 :: Навiны

Цэнтр манiторынга свабоды прэсы Таварыства Польскiх Журналiстаў (SDP) i Цэнтр прававой абароны СМI “Беларускай асацыяцыi журналiстаў” выказваюць рашучы пратэст рэпрэсiям беларускiх уладаў супраць журналiстаў тыднёвiка “Glos znad Niemna”, а таксама нелегальнаму выдаванню фальшывых нумароў адзiнай газеты польскай меншасцi ў Беларусi.

У сераду 6 лiпеня пяцёра журналiстаў “Glosu znad Niemna”, спрабуючы супрацьстаяць выдаванню фальшывых нумароў iх газеты, арганiзавалi ў Гродна акцыю пратэста. Аднак, удзельнiкi акцыi былi адразу затрыманыя мiлiцыянтамi i дастаўленыя ў пастарунак мiлiцыi. У вынiку ўсе нашыя калегi былi пакараныя судом шматмiльённымi штрафамi. На наш погляд, беларускiя ўлады, караючы журналiстаў вялiкiмi грашовымi штрафамi, iмкнуцца запалохаць iншых журналiстаў i такiм чынам перашкодзiць у змаганнi за сваю газету, якая на iх думку была незаконная адабраная. Цягам апошняга месяца, не зважаючы на шматлiкiя пратэсты выдаўца i рэдакцыi, фальшы “Glos znad Niemna” рэгулярна выдаецца. Ачарняюцца ў iм новае – дэмакратычна абранае на апошнiм З’ездзе Саюза палякаў Беларусi – кiраўнiцтва арганiзацыi, польская дыпламатыя i СМI. Гэтая фальшыўка, акрамя таго, што зробленая з шматлiкiмi парушэннямi беларускiх законаў, да таго ж друкуецца ў дзяржаўнай гродзенскай друкарнi, а таксама распаўсюджваецца дзяржаўнай поштай i прадаецца ў дзяржаўных шапiках.

У трох з чатырох нумароў фальшыўкi, замест змяшчэння неабходных, паводле заканадаўства, iмя i прозвiшча галоўнага рэдактара, быў пададзены ананiмны подпiс “рэдакцыйная калегiя”. У апошнiм жа нумары ў ролi галоўнага рэдактара выступiў брат адхiленага ад старшынавання ў Саюзе палякаў Беларусi Тадэвуша Кручкоўскага – Вiктар Кручкоўскi. Гэтае прызначэнне на пасаду брата было зроблена былым старшынём СПБ самавольна i толькi пацвярджае ранейшую iнфармацыю, што кола яго прыхiльнiкаў абмяжоўваецца ягонай сям’ёй. Насуперак волi выдаўца – а гэта значыць СПБ – у газеце нязменна падаецца iлжывая iнфармацыя пра тое, што фальшывы “Glos znad Niemna” выдае Саюз палякаў Беларусi.

У звязку з вышэйпаданым выказваем поўную салiдарнасць з журналiстамi сапраўднага “Glosа znad Niemna” у iх адчайным пратэсце, пратэстуем супраць судовага пакарання iх i патрабуем вяртання адзiнага ў Беларусi тыднёвiка польскай нацыянальнай меншасцi, а гэта значыць законным уладальнiкам.
Мiлаш Марчук, Дырэктар Цэнтр манiторынга свабоды прэсы Таварыства Польскiх Журналiстаў
Мiхаiл Пастухоў,
Кiраўнiк Цэнтр прававой абароны СМI “Беларускай асацыяцыi журналiстаў

pahonia.promedia.by
Белоруссия