Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сходы дэмакратычных сілаў праходзяць ва ўмовах кансьпірацыі 10:44, 18/07/2005
У мінулыя выхадныя адбыліся чарговыя раённыя сходы па вылучэньні дэлегатаў на Нацыянальны кангрэс дэмакратычных сілаў. Падчас сходаў плянуецца абраць каля 300 дэлегатаў з усёй краіны. На кангрэсе, які адбудзецца ў верасьні, мае быць абраны адзіны кандыдат ад дэмакратычных сілаў на прэзыдэнцкіх выбарах 2006-га году. З-за перашкодаў мясцовых уладаў сходы часам даводзіцца праводзіць у кансьпіратыўных умовах.
Раённыя сходы па вылучэнні дэлегатаў на Нацыянальны кангрэс дэмакратычных сілаў у Баранавічах і Дзяржынску суправаджаліся павышанай цікавасьцю з боку міліцыі. У Баранавічах міліцыя затрымала кіраўніка менскай гарадзкой арганізацыі АГП Ігара Шынкарыка і канфіскавала інфармацыйныя матэрыялы, спрабавала скласьці пратаколы на Анатоля Лябедзьку і Сяргея Калякіна нібыта за правядзеньне несанкцыянаванага мітынгу.
У Слоніме таксама міліцыя спрабавала перашкодзіць правядзеньню сходу і, урэшце, вяла назіраньне за сітуацыяй звонку. Як адзначаюць арганізатары, такія канфлікты, як правіла, узьнікаюць там, куды прыязджаюць патэнцыйныя кандыдаты. У Слонім, напрыклад, прыехалі Анатоль Лябедзька, Аляксандар Мілінкевіч, Аляксандр Бухвостаў і Станіслаў Шушкевіч. Минск, Белоруссия
, iнформэр
