Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ля Берасьця пабудавалі радыяцыйны могільнік 10:54, 22/07/2005
У найбліжэйшыя дні дзяржаўная камісія мае намер канчаткова прыняць у эксплюатацыю могільнік у ваколіцах вёскі Струга Маларыцкага раёну, дзе будуць захоўвацца радыяцыйныя адкіды. Будаўніцтва могільніку ажыцьцяўлялася насуперак жаданьню мясцовых жыхароў і тых берасьцейцаў, што маюць побач з узьведзеным аб’ектам свае лецішчы. Летась у навакольных вёсках зьбіраліся подпісы за тое, каб правесьці з гэтай нагоды мясцовы рэфэрэндум. Паводле меркаваньня людзей, могільнік істона пагоршыць экалягічную сытуацыю ў гэтых мясьцінах. Акцыі праводзіліся актывістамі руху “Зубр”, іншымі дэмакратычнымі арганізацыямі.
Аднак улады Маларыцкага раёну перашкаджалі правядзенью арганізацыйных сходаў і пачалі ціск на тых, хто выступаў з ініцыятывай правядзеньня рэфэрэндуму. Як вынік, могільнік быў пабудаваны, і сюды ўжо перавезьлі адпрацаваную ўранавую руду, што засталася ў Берасьці, калі там у час СССР перагружалі радыяцыйныя адкіды, завезеныя з атамных электрастанцыяў Усходняй Эўропы.
Паводле афіцыйных зьвестак, будаўніцтва могільніку ды іншыя працы, зьвязаныя з захаваньнем небясьпечных рэчываў, каштавалі прыблізна 3 мільярды рублёў. Цяпер улады Берасьця разглядаюць магчымасьць узьвядзеньня шматпавярховых жылых будынкаў на месцы ў цэнтры гораду, адкуль цягам апошняга году вывозілі забруджаную радыяцыяй зямлю, паведамляе «Радыё Свабода». Минск, Белоруссия
, iнформэр
