Варшава-Менск: працяг канфлікту :: Хартыя'97 :: Навiны

Не суціхае дыпляматычны канфлікт на лініі Варшава-Менск. 21 ліпеня прэс-служба Амбасады Беларусі ў Польшчы выдала паведамленьне для прэсы, у якім прадстаўлены пункт гледжаньня старшыні Пастаяннай камісіі па правох чалавека, нацыянальных адносінах і СМІ так званай “палаты прадстаўнікоў” “нацыянальнага сходу” Беларусі Юрыя Кулакоўскага.

У дакумэнце падкрэсьліваецца, што ніводнай іншай нацыянальнай меншасьці беларуская дзяржава не прызначае столькі ўвагі, колькі польскай. "Дзяржава аказвае значную дапамогу o разьвіцьці польскай нацыянальнай культуры. Бясплатна прызнаюцца памяшканьні дзеля правядзеньня мерапрыемстваў, заняткаў мастацккіх калектываў, вывучэньня мовы, аплачваецца праца кіраўнікоў кружкоў і настаўнікаў." На такім агульна спрыяльным фоне цяжка знайсьці зачэпку для пачатку канфлікту - лічыць Юрый Кулакоўскі. "Адасобненыя разнагалосьсі ўнутры Саюзу палякаў былі штучна разьдзьмуханыя да неверагодных памераў," – кажа ён.

"Гэта надуманныя праблемы, якія стараюцца "падвязаць" дзяржаве, у той час як яна тут ні пры чым. Наадварот, мы заўсёды імкнемся адсочваць падобныя пытаньні й залагоджваць канфлікты,"- пераконвае Юрый Кулакоўскі. Аб гэтым паведаміла радыё “Палонія”.
Минск, Белоруссия