Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Арыштаваныя актывісты СПБ адбываюць пакаранне ў Лiдзе 15:01, 28/07/2005
Затрыманыя ў Шчучыне актывiсты Саюза палякаў на Беларусi Юзаф Пажэцкi, Андрэй Пачобут i Мечыслаў Яскевiч адбываюць пакаранне ў Лiдскiм РАУС. Сёння дзеячоў СПБ збiраюцца наведаць сваякi, паведамляе ПАГОНЯ.
Усе тры затрыманыя знаходзяцца ў аддзяленнi Лiдскага РАУС па вул. Перамогi, 36. Дзяжурны РАУС адмовiўся паведамiць, цi сядзяць затрыманыя ў адной камеры.
Андрэй Пачобут, Юзаф Пажэцкi i Мечыслаў Яскевiч, нагадаем, ехалi 26-га лiпеня ў Шчучын на сустрэчу з сябрамi мясцовай арганiзацыi СПБ. Як толькi яны прыехалi ў горад, iх адразу затрымала мiлiцыя. Ноч сябры СПБ правялi ў Шчучынскiм РАУС. Суд над iмi адбыўся ў Лiдзе на наступны дзень. За удзел у несанкцыянаванай акцыi 3-га лiпеня ў Шчучыне i непадпарадкаванне органам мiлiцыi Андрэй Пачобут быў асуджаны да 15 сутак адмiнiстрацыйнага арышту, Юзаф Пажэцкi i Мечыслаў Яскевiч да 10 сутак.
