Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На думку віцэ-старшыні Эўрапарлямэнту Януша Анышкевіча, Эўразьвяз павінен падтрымліваць працэс будовы грамадзянскай супольнасьці ў Беларусі. У ацэнцы палітыка, выдаваньне чарговых заяваў у справе рэжыму Лукашэнкі ня мае сэнсу, бо Эўразьвяз ужо выказаў сваю пазыцыю па гэтай справе.
Менавіта таму цяпер неабходныя доўгатэрміновыя дзеяньні. Нармальна гэткія праграмы апрацоўваюцца ў паразуменьні зь мясцовымі ўладамі, аднак у выпадку Беларусі трэба было б падрыхтаваць новыя мэханізмы, лічыць віцэ-старшыня Эўрапарлямэнту.
“Усё гэта будзе патрабаваць рашучай зьмены спосабаў дзеяньня Эўразьвязу й розных ягоных ворганаў. Добра было б, каб гэткім спосабам было, напрыклад, пакліканьне нечага паводле ўзору амэрыканскай Фундацыі на карысьць дэмакратыі. Зразумела, гаворка ідзе пра эўрапейскую фундацыю, якая дзейнічала б больш элястычна,” – паведаміў Януш Анышкевіч радыё «Палонія».
Паводле яго, Эўразьвяз павінен засяродзіць увагу ня толькі на ўзмацненьні беларускай апазыцыі, але таксама спрабаваць пераканаць беларускія ўлады, што рэжым Аляксандра Лукашэнкі - ня вечны.
