Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пасьля амаль трохтыднёвага чаканьня беларускаму палітзняволенаму, аднаму з лідараў «Маладога Фронту» Паўлу Севярынцу ў Першамайскай раённай крымінальна-выканаўчай інспэкцыі Віцебску нарэшце паведамілі, дзе ён мусіць адбываць пакараньне — 2 гады “хіміі”, прысуджаныя за арганізацыю масавых акцый пратэсту ў Менску. Месцам пакараньня для Паўла Севярынца будзе гарадзкі пасёлак Ветрына, што месьціцца за 20 км ад Полацку ў Віцебскай вобласьці. У спэцкамэндатуру гарадзкога пасёлку Ветрына Паўлу Севярынцу трэба прыбыць не пазьней за 15-га жніўня. Ён мяркуе пакіравацца туды ў панядзелак.
