Рок супраць рэжыма :: Хартыя'97 :: Навiны

Пра акцыю пад такой назвай заявіла Stowarzyszenie Mlodzi Konserwatysci. Як сказаў нам прадстаўнік арганізацыі Павал Станчык, акцыя задумана дзеля таго, каб паказаць салідарнасьць маладых палякаў з тымі, хто перасьледуецца цяпер на Беларусі: прадстаўнікамі польскай меншасьці і моладзю.

“Рок - гэта музыка незалежнасьці, яна адыграла сваю ролю ў нашай краіне 25 год таму, і на Ўкраіне зусім нядаўна, таму мы зьвярнуліся да польскіх музыкаў з просьбай падтрымаць такую акцыю”, - кажа П.Станчык. Шэраг рок-музыкаў адразу ж адгукнуліся на прапанову ўзяць у дзел у “Року супраць рэжыма” – яны запішуць свае песьні для складанкі, якая будзе распаўсюджвацца на Беларусі (туды ж увойдуць хіты часоў “Салідарнасьці”).

Сярод музыкаў называюцца: Павал Кукіз, кінаактор і лідэр групы “Piersi”, групы “Golden Life”, увойдуць песьні легендарных “Mааnam”, “Strachy na Lachy”. Да акцыі таксама далучыўся Марэк Буцько – экс-сакратар польскай амбасады на Беларсі. На прэс-канфэрэнцыі, прысьвечанай акцыі “Рок супраць рэжыма”, ён сказаў, што рок-музыка на Беларусі папулярна, але выходзіць у расейскамоўным выданьні, у той жа час, беларускамоўным групам не даюць працаваць і канцэртаваць. У сувязі з чым дыплямат прапанаваў супрацоўнічаць з беларускімі музыкамі.

Пачатак супрацы пакладзены - група N.R.M. дасьць вялікі канцэрт у межах фэстывалю, прысьвечанаму 25-годдзю “Салідарнасьці”. Фэст пройдзе 3 верасьня ў Познані, у ім возьмуць удзел таксама ўкраінскія рэпэры “Грынжолы” (вядомыя па гіту Разам нас багата!), польскія “Strachy na Lachy”, “Mezo” і легендарныя “Мааnam”.

Завершыць праграму вагнявое шоў і феерверк.

Для жадаючых наведаць дадзеную імпрэзу арганізуецца паездка.

Даведкі: 6225720, 5789708, 2325458, w1979@tut.by