Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Старшыню Саюза палякаў ізноў дапыталі ў міліцыі 10:42, 16/08/2005
Заведзена крымінальная справа па факту знікнення пячаткі Саюза палякаў на Беларусі. Старшыня Саюза Анжаліка Борыс 15 жніўня была дапытаная па справе як сведка ў Ленінскім РАУС Гродна. Допыт доўжыўся амаль паўтары гадзіны. Плянавалася правесьці яшчэ і сьледчы экспэрымэнт, але потым яго адмянілі.
Нагадаем, што ў мінулую пятніцу Борыс выклікалі ў гэтым жа самым пытаньні, тады на яе напісаў данос былы старшыня Саюзу Тадэвуш Кручкоўскі, а цяпер міліцыя ўзбудзіла крымінальную справу.
Анжаліка Борыс ізноў распавядала міліцыянтам аб тым, як яе разам зь іншымі сябрамі СПБ высяляў з будынку арганізацыі АМОН.
“Я сама не выйшла з таго будынка, а нас адтуль выцягнуў АМОН і міліцыя. А ў будынку засталіся пан Кручкоўскі, Знайдзінскі разам зь міліцыяй. Нас болей туды не пусьцілі, таму я думаю, што гэта нейкая змова супраць мяне, бо мяне адтуль вывялі, а больш туды не ўпусьцілі”, -- распавяла старшыня СПБ “Радыё Свабода” пасля допыта.
