Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Анжаліка Борыс: «Гэта спроба запалохаць мяне» 15:48, 22/08/2005, Фото ByMedia.net
Старшыню Саюза палякаў Анжаліку Борыс выклікалі сёння на допыт, каб задаць толькі адно пытанне: дзе яна была ў ноч з 6 на 7 студзеня, калі спалілі машыну былога старшыні Саюза Тадэвуша Кручкоўскага. “Гэта відавочная спроба мяне запалохаць, зацягаць па міліцыі”, – сказала Анжаліка Борыс журналістам адразу пасля допыту.
Старшыня СПБ адказала следчаму, што ёй цяжка зараз прыгадаць, дзе яна была і што рабіла ў тую ноч. Як паведаміў яе адвакат Аляксандр Бірылаў, Борыс не атрымала ніякай позвы на наступны допыт і, відавочна, па гэтай справе яе выклікаць больш не будуць. Аднак старшыню арганізацыі чакаюць яшчэ допыты па крымінальнай справе, заведзенай па факце знікнення пячаткі Саюза палякаў.
Сёння Анжаліку Борыс дапытваў следчы Ігар Чарняк, супрацоўнік следчага аддзела РАУС адміністрацыі Ленінскага раёна Гродна, паведаміла ПАГОНЯ.
