Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сталі вядомы падрабязнасці інцыдэнту з польскім карэспандэнтам «Gazety Wyborczej» Вацлавам Радзівіновічам. Пасля таго, як на мяжы ў яго забралі пашпарт, адразу пасля прыезду ў Гродна, ён быў затрыманы, абшуканы і дапытаны беларускай міліцыяй.
Спачатку памежнікі забралі ў журналіста пашпарт, а затым ён быў абшуканы і дапытаны, – паведамляе ПАГОНЯ са спасылкай на “Gazetu Wyborczu”.
“Былі падлічаны мае грошы, на шчасце, я ўказаў іх у дэкларацыі, таму не было падставы да мяне прычапіцца. Я баяўся, што мне падкінуць што-небудзь у багаж”, – заявіў польскі журналіст.
Вацлаў Радзівіновіч мяркуе, што ўлады шукаюць прычыну, каб выдаліць яго з Беларусі. У суботу ў Гродне мае адбыцца паўторны шосты з’езд Саюза палякаў. На думку Радзівіновіча, беларускія ўлады не хочуць, каб гэтае здарэнне асвятлялі незалежныя журналісты.
