Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зьнішчаны разьдзел «Палітыка» на форуме віцебскага партала 11:03, 25/08/2005
Форум Віцебскага гарадскога партала http://forum.vitebsk.by быў апошнім на "афіцыйных" гарадскіх сайтах, дзе існаваў разьдзел "Палітыка". Аднак увечары 24 жніўня ён практычна перастаў існаваць. Прыкладна ў 19:00, па сканчэньні працоўнага дня, усе тэмы ў гэтым разьдзеле былі зьнішчаныя. Аб гэтым прэс-цэнтру Хартыі паведаміў Сяржук Серабро, мадэратар разьдзела "Палітыка" на forum.vitebsk.by.
Новы віцебскі форум быў адчнынены мінулым летам, такім чынам "палітычны" разьдзел праіснаваў трохі больш за год. Найбольш папулярнымі перад зьнішчэньнем былі тэмы аб будучым адзіным кандыдаце ад апазіцыі і аб магчымасьці дэфолту ў Беларусі. Пакуль што самай верагоднай здаецца версія аб тым, што гэта была чарговая хакерская атака.