Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У кватэру да Анжалікі Борыс уварваліся міліцыянты 14:42, 29/08/2005
Пасьля 13 гадзінаў ля кватэры старшыні СПБ Анжалікі Борыс зьявіліся міліцыянты. Яе самой дома не было, там знаходзілася толькі яе сястра. Міліцыянты запатрабавалі адчыніць дзьверы, інакш пагражалі, што зробяць гэта самі.
Як паведамляе “Радыё Свабода”, сястра мусіла упусьціць іх унутр. Два супрацоўнікі крымінальнага вышуку сказалі, што яны прыйшлі з нагоды рассьледаваньня справы паводле заявы прадстаўніка польскага камітэту “Салідарныя зь Беларусьсю” Міхала Дворчака. Невядомыя напалі на яго побач з домам, дзе жыве А.Борыс, і забралі пляцак.
Пакуль у кватэры знаходзіліся міліцыянты, прыехала сама Анжаліка Борыс ды польскія журналісты. Як паведаміў прэс-цэнтру Хартыі’97 актывіст Саюза палякаў Беларусі Анджэй Пісальнік, міліцыянты задавалі Анжэліке Борыс правакацыйныя пытынні. Напрыклад, пыталіся, хто з яе атачэння мог здейсніць напад на Міхала Дворчака.
Прабыўшы ў кватэры хвілінаў пятнаццаць, міліцыянты пайшлі.
