Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міколу Статкевічу адмовілі ў магчымасьці наведаць Менск 13:51, 30/08/2005
Паводле закону, калі асуджаны цягам месяца ня мае парушэньняў унутранага распарадку, адміністрацыя спэцкамэндатуры можа адпускаць яго раз на месяц наведваць сваю сям’ю тэрмінам да трох дзён. Паколькі гэты тэрмін надыйшоў, адміністрацыя спэцкамэндатуры азнаёміла палітзняволенага Міколу Статкевіча з двума лістамі. Першы з ЖЭСу, дзе ў Менску прапісаны Мікола Статкевіч. У ім сьцьвярджаецца, што ніякіх прэтэнзіяў да яго няма, запазычанасьцяў за камунальныя плацяжы няма. А другі ліст з гарадзкога аддзелу міліцыі Першамайскага раёну аб тым, што “у зьвязку са складанай апэратыўнай абстаноўкай, якая цяпер склалася, немэтазгодна наведваньне Менску Міколам Статкевічам”.
Ад 29 ліпеня лідар Беларускай сацыял-дэмакратычнай партыі (Народная Грамада), каардынатар Еўрапейскай кааліцыі Мікола Статкевіч адбывае пакараньне – 2 гады абмежаваньне свабоды за арганізацыю вулічных дэманстрацыяў 18-19 кастрычніка супраць фальсыфікацыі вынікаў выбараў і рэфэрэндуму, нагадвае “Радыё Свабода”.
