Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пасля 30-ці дзённага адміністрацыйнага арышту на свабоду выйшаў Тадэвуш Гавін, першы старшыня Саюзу палякаў у Беларусі. Сёння ў 8.20 гадзінаў ён быў патаемна вывезены на міліцэйскай машыне з Кастрычніцкага спецпрымальніка Гродна. На вуліцы яго чакалі журналісты і сябры.
Тадэвуш Гавін быў двойчы асуджаны на 15 сутак адміністрацыйнага арышту. Першы раз ён быў пакараны за ўдзел у сходзе ў час наведвання сядзібы Саюза палякаў віцэ-маршалкам Сойму Польшчы Дональдам Тускам . Дональд Туск заявіў, што падтрымвае абранае вясной кіраўніцтва Саюзу на чале з Анжалікай Борыс, што ў выпадку рэпрэсіяў Польшча акажа дапамогу Саюзу палякаў і яго кіраўніцтву, і што ўсе палякі Польшчы перажываюць за іх. Свой погляд на падзеі ў Беларусі і на канфлікт вакол Саюзу палякаў выказаў Тадэвуш Гавін, за што і быў пакараны 15 суткамі.
Адбываючы пакаранне ў Гарадзенскім спецпрымальніку Тадэвуш Гавін быў дадаткова асуджаны на 15 сутак арышту. Яго прызналі вінаватым ва ўчыненні ў камэры бойкі з сукамэрнікам. Такiм чынам яго цалкам нейтралiзавалi перад паўторным 6-м з’ездам арганiзацыi, якi арганiзавалі беларускiя ўлады 27 жніўня, паведамляе ГроднаNews.
