У Гародню прыйшла дапамога з Польшчы :: Хартыя'97 :: Навiны

У Беларусь даехаў першы груз з дарамі для палякаў сабранымі ў рамках акцыі "Варшавякі салідарныя з Горадняй". Дары патрапілі ў Горадню, Брэст і Менск.

Арганізатаркай акцыі зьяўляецца ўпаўнаважаная прэзыдэнта Варшавы па справах жанчын і сям`і Яана Клюзік-Расткоўска. У размове з Польскім Радыё яна патлумачыла, што дары перавезена празь мяжу сакрэтна, бо існавала пагроза, што груз ня будзе прапушчаны ў Беларусь. Яанна Клюзік-Расткоўска не выявіла, якім чынам удалося перасячы мяжу, таму што яшчэ некалькі грузавікоў будзе адпраўленых у Беларусь.

Сярод рэчаў сабраных варшавякамі ёсьць, між іншым, вопратка, спажывецкія прадукты, сродкі гігіены, школьныя прылады для дзетак і кнігі на польскай мове. Дары будуць разьмеркаваныя Саюзам палякаў паводле сьпісаў найбольш патрабуючых. Яанна Клюзік-Расткоўска ўзгодніла гэта з Анжэлікай Борыс.

Збор дараў працягваўся з 12 па 26 жніўня і выклікаў вялікае зацікаўленьне і ахвярнасьць варшавякаў.