Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
За віншаваньне з Днём вайсковай славы -- па 4 мільёны штрафу 11:36, 12/09/2005
Амаль па 4 мільёны штрафу атрымалі віцебскія апазыцыянэры за віншаваньне з Днём беларускай вайсковай славы. 8-га верасьня актывісты Кансэрватыўна-хрысьціянскай партыі БНФ Уладзімер Плешчанка ды Аляксандар Салаўян, а таксама рэдактар газэты "Выбар" Барыс Хамайда і прадпрымальнік Сяргей Міркушоў выйшлі аб 11-й раніцы на вуліцы Віцебска зь бел-чырвона-белым сьцягам ды вялікімі каляровымі плякатамі.
На плякатах былі словы “Сёньня Дзень беларускай вайсковай славы”, “8-га верасьня 1514 году 30 тысяч беларускіх ваяроў пад Воршай разьбілі ўшчэнт 80-тысячнае маскоўскае войска. Слава беларускім героям!” і “Вось так трэба бараніць сваю незалежнасьць і волю Радзімы!”
Віншавальная акцыя была прызнана судом за несанкцыянаваны пікет, і усім ўдзельнікам прысуджаныя грашовыя штрафы, паведаміла «Радыё Свабода”.
