Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Апазыцыянераў затрымоўваюць нават на пахаванні 11:00, 15/09/2005
Чатыры актывісты магілёўскіх дэмакратычных арганізацыяў не змаглі прыняць удзел у пахаваньні першага сакратара Магілёўскага абласнога аддзяленьня Партыі камуністаў Беларусі Уладзіміра Падаляна. Каля будынку ліцэю, дзе праходзіла паніхіда, кіраўнік магілёўскай абласной арганізацыі Партыі БНФ Рыгор Кастусёў, юрыст магілёўскага аддзяленьня праваабарончага цэнтра “Вясна” Барыс Бухель, актывіст Партыі БНФ Валянціна Шчэтнікава і актывіст КХП-БНФ Ларыса Шукайла больш гадзіны былі заблякаваныя ў аўтамабіле.
Супрацоўнікі міліцыі ды супрацоўнікі ДАІ з розных падставаў ды зачэпак не давалі актывістам сыйсьці. Кіраваў затрыманьнем падпалкоўнік міліцыі, намесьнік загадчыка Кастрычніцкага РАУС г. Магілёва Пётар Шашкоў. Толькі пасьля таго, як пахавальная працэсія вярнулася з могілак, актывісты былі вызваленыя. Рыгор Кастусёў лічыць, што міліцыянтам быў дадзены загад затрымаць іх, каб не дапусьціць ягонага мажліва рэзкага выступу на пахаваньні.
, iнформэр
