Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Палітвязню Марынічу зноў адмовілі ў датэрміновым вызваленьні 10:53, 23/09/2005
22 верасьня камісія менскай калёніі №1 у пытаньнях умоўна-датэрміновага вызваленьня зноў разгледзела справу былога міністра і дыпламата Міхаіла Марыніча і паўторна адмовілася датэрмінова вызваліць яго. Гэтую навіну «Радыё Свабода» паведаміла жонка Міхаіла Марыніча. “Ніякія абставіны не былі ўлічаныя. Ні стан ягонага здароўя, ні ягоныя добрыя паводзіны. Я пасьля гэтага размаўляла з адміністрацыяй калёніі. Яны сказалі, што да яго няма прэтэнзіяў. Тым ня менш, было прынятае вось такое рашэньне”, -- паведаміла Таццяна Марыніч.
Паводле Тацяны Марыніч, неўзабаве адвакат падасьць заяву аб умоўна-датэрміновым вызваленьні Марыніча паводле стану здароўя. У турме былы міністар і амбасадар перанёс інсульт, у яго рэзка пагоршыўся зрок.
У менскай калёніі №1 рашэньня камісіі аб умоўна-датэрміновым вызваленьні не камэнтуюць.
Летась у красавіку Міхаіл Марыніч быў арыштаваны і пазьней асуджаны на 3,5 гады зьняволеньня за крадзеж маёмасьці. Сваёй віны Міхаіл Марыніч не прызнаў. Ён тлумачыць перасьлед палітычнымі прычынамі. Арганізацыя “Міжнародная амністыя” прызнала Міхаіла Марыніча вязьнем сумленьня. mmmmm
