Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускі прадпрымальнік галадае шосты дзень 14:42, 26/09/2005
Прадпрымальнік з беларускага гораду Ваўкавыску Мікалай Аўтуховіч галадае шосты дзень. За апошнія два гады - гэта ўжо трэцяя яго галадоўка. Ён упэўнены, што супраць ягонага бізнэсу пачаўся чарговы наступ з боку падатковых органаў і мясцовых уладаў.
Аўтуховічу і фірме “Ніка-Транс”, зь якой ён супрацоўнічае, падатковыя органы прыпісваюць каля мільёна даляраў недаплачаных падаткаў і штрафаў.
Галадае Мікалай Аўтуховіч адзін у сваім офісе. За гэтыя шэсьць дзён ягоным здароўем ніхто зь мясцовых уладаў не пацікавіўся.
