Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Фінансавы ціск на палітычныя арганізацыі 10:57, 28/09/2005
1 мільён 440 тысяч рублеў судовых пошлінаў будзе вымушана сплаціць Гарадзенская арганізацыя БНФ “Адраджэньне” да 30 верасня бягучага году. Уведамленне аб гэтым атрымала кіраўніцтва гарадзкой арганізацыі некалькі дзён таму.
Судовым выканаўцам Гаспадарчага суда Гарадзенскай вобласці Якацуком С.Н. усталяваны тэрмін аплаты – 30 верасня. Пошліны былі ўскладзеныя пасля пройгрышу судовага працэсу аб высяленьні фронтаўскіх арганізацый з памяшканьня па вул. К.Маркса,11 у Гародні. Тады прычынай высяленьня быў азначаны аварыйны стан будынка. Пасля высяленьня прайшло больш за паўгады, былі спробы выставіць будынак на продаж, але ніякія рамонтныя работы за гэты час так і не пачаліся, паведамляе праваабарончы цэнтр «Вясна».
