Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Чарговы нумар «Народнай волі» трапіў да падпісчыкаў 15:53, 05/10/2005
5 кастрычніка падпісчыкі "Народнай волі" атрымалі ўжо другі нумар газеты, надрукаваны ў расійскім Смаленску. Пра гэта паведаміла ГА "Беларуская асацыяцыя журналістаў" намесніца галоўнага рэдактара выдання Святлана Калінкіна. Асноўнай тэмай нумару "Народнай волі" за 5 кастрычніка зноў стаў Кангрэс дэмакратычных сіл, што адбыўся ў мінулыя выходныя. Паводле С. Калінкінай, газета пакуль не збіраецца мяняць фармату і будзе выходзіць, як і раней, 5 разоў на тыдзень.
Нагадаем, што 3 кастрычніка рэдакцыя газеты заключыла дамову са Смаленскай друкарняй, дзе, акрамя яе, ужо друкуюцца беларускія выданні "БДГ. Деловая газета", "Салідарнасць", "Товарищ", "Местная газета", а таксама раней друкаваўся "День". Як заявіў Радыё "Свабода" галоўны рэдактар "Народнай волі" Іосіф Сярэдзіч, ён спадзяецца, што неўзабаве "Народная Воля" зможа вярнуцца і ў газетныя кіёскі.
