Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У выніку аварыі ў Празе загінуў беларус 11:37, 12/10/2005
Як мы паведамлялі раней, учора ўвечары ў Празе адбылася сур`ёзная аварыя. Чэскія сродкі масавай інфармацыі паведамляюць, што ў групу беларускіх турыстаў, якія выходзілі з аўтобуса, урэзалася аўтамашына, за рулём якой знаходзіўся п`яны кіроўца.
«Радыё Свабода» атрымала больш дакладную інфармацыю ад консульскай службы беларускай амбасады ў Празе. Паводле інфармацыі амбасады, у аварыю патрапіў беларускі аўтобус, які абслугоўваў расейскіх турыстаў ад агенцтва “Топ Тур Вояж”.
Аўтамашына ўрэзалася ў групу турыстаў, якія ў той момант сядалі ў аўтобус. У выніку некалькі людзей атрымалі сур`ёзныя траўмы. Сьмяротна быў траўмаваны гід групы, 35-гадовы грамадзянін Беларусі. Беларуская амбасада ўжо зьвязалася зь яго сям’ёй.
У консульскім аддзеле нам таксама нагадалі дзяжурны тэлефон амбасады ў Празе для сувязі ва ўсіх неадкладных выпадках: 233 540 899.
