Анжаліка Борыс зьдзіўленая вяртаньнем польскага амбасадара :: Хартыя'97 :: Навiны

Непрызнаваная беларускімі ўладамі старшыня Саюзу палякаў Беларусі са зьдзіўленьнем успрыняла факт, што польскі амбасадар вярнуўся на пасаду ў Менску. Анжаліка Борыс прыгадала, што Тадэвуш Паўляк быў адкліканы на кансультацыі ў Польшчы ў моманце, калі беларускія ўлады зьнішчалі ейную арганізацыю. Тым часам, паводле старшыні, сытуацыя СПБ амаль не памянялася.

“Нам даводзіцца дзейнічаць ва ўмовах, калі сочаць за кожным нашым крокам. У гэткіх ўмовах калісьці працавалі й дзейнічалі ў Польшчы ў гэтак званыя “часы Салідарнасьці”. Гэта складаныя ўмовы,” - заявіла старшыня СПБ “Польскаму Радыё”.

Анжаліка Борыс паведаміла, што ёй і ейным супрацоўнікам пагражае арышт. Апрача таго чальцоў СПБ перасьледуюць вызавамі на паказаньні й запалохваюць. Надалей таксама працягваюцца крымінальныя справы, узбуджаныя супраць кіраўніцтва СПБ.