Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
КДБ хоча кругласуткава сачыць за адзіным кандыдатам ад апазіцыі 16:57, 18/10/2005
Супрацоўнікі Камітэта дзяржаўнай бяспекі ўсталёўваюць наглядальны пункт за домам адзінага кандыдата ў прэзідэнты Беларусі ад апазіцыі Аляксандра Мілінкевіча ў вёсцы Бершты Шчучынскага раёна. Інфармацыю пра гэта распаўсюдзіў адзін з прадстаўнікоў мясцовай улады, які пажадаў не называць сваё імя.
Паводле яго інфармацыі, два супрацоўнікі аддзела КДБ па Шчучынскім раёне днямі наведалі вёску Бершты, дзе ва ўласным доме пражывае Аляксандр Мілінкевіч. Яны правялі шэраг размоваў з жыхарамі вёскі. Іх цікавілі звесткі пра Мілінкевіча, асаблівасці паводзінаў, а таксама людзі, якія наведваюць адзінага кандыдата і ягоную сям’ю.
Супрацоўнікі спецслужбаў таксама загадалі мясцоваму кіраўніцтву знайсці для іх у в. Бершты дом, адкуль яны маглі б весці кругласуткавае назіранне Аляксандрам Мілінкевічам, паведамляе сайт www.hrodna.by.
